Вазирлик ҳақида Ҳужжатлар Муассасалар Янгиликлар Тадбирлар Лойиҳалар АКТ Оnline хизматлар

Осиё тараққиёт банки иштирокидаги “Бирламчи тиббий-санитария ёрдами фаолиятини такомиллаштириш” инвестицион лойиҳа бўйича МАЪЛУМОТ Бош сахифа

19 ноября 2019

Осиё тараққиёт банки иштирокидаги “Бирламчи тиббий-санитария ёрдами фаолиятини такомиллаштириш” инвестицион лойиҳа бўйича МАЪЛУМОТ

Лойиханинг мақсад ва вазифалари Ўзбекистон Республикаси Президентининг 2017 йил 29 мартдаги ПҚ-2857-сонли “Ўзбекистон Республикасида бирламчи тиббий-санитария ёрдами муассасалари фаолиятини ташкил этишни янада такомиллаштириш чора-тадбирлари тўғрисида”ги қарор асосида аниқланган.

Ўзбекистон Республикаси Вазирлар Маҳкамасининг 2018 йил 1 ноябрдаги 902-сонли “Осиё тараққиёт банки иштирокидаги «Бирламчи тиббий-санитария ёрдами фаолиятини такомиллаштириш” лойиҳасини амалга ошириш чора-тадбирлари тўғрисида”ги Қарорга мувофиқ лойиҳанинг техник-иқтисодий асоси тасдиқланган.

Лойиҳанинг асосий мақсади қишлоқ оилавий поликлиникаларни замонавий тиббий асбоб-ускунлар билан жихозлаш, шунингдек кўрсатиладиган тиббий хизматлар ҳажмини кенгайтириш мақсадида тиббиёт ҳодимларини тайёрлаш орқали қишлоқ жойларда соғлиқни сақлаш секторини мустаҳкамлаш.

Лойиҳанинг умумий қиймати 57,8 млн. АҚШ доллари,

Шундан:

45,0 млн. АҚШ долл. - Осиё тараққиёт банкининг кредит маблағлари

12,8 млн. АҚШ долл. - Ўзбекистон Республикаси бюджет маблағлари.

Лойиҳа доирасида Республиканинг 793 та оилавий қишлоқ поликлиникаларни (ҚОП) замонавий тиббий ускуна ва жихозлар билан таъминланланади. Бундан ташқари, қишлоқ туманларининг бирида синов тариқасида информацион бошқарув тизими ишга туширилади.

Лойиҳа структураси. “ Бирламчи тиббий-санитария ёрдами фаолиятини такомиллаштириш” лойиҳаси қуйидаги компонентлардан иборат:

1. Тиббий ускуна ва бошқа ускуналарни сотиб олиш

Мазкур компонент қишлоқ оилавий поликлиникаларни тиббий ускуна ва жихозлар билан таъминлашга йўналтирилган бўлиб, 793 та қишлоқ оилавий поликлиникаларнинг ҳар бири учун қуйидаги ускуна ва жихозлар сотиб олинади:

1. Универсал ультратовуш аппарати.

2. Электрокардиограф

3. Стоматологик ускуна

4. Врач-хирург, врач- акушер-гинеколог жамламалари

5. Офтальмоскоп/отоскоп

6. Электрон тароз

7. Патронаж сумкалар

8. Компьютер

Барча сотиб олинаётган ускуналар соғлиқни сақлаш вазирлигининг Республика техник хизмат кўрсатиш марказида рўйхатдан ўтказилади ва ушбу марказ томонидан ускуналарга техник хизмат кўрсатилади.

Бундан ташқари, мазкур компонент доирасида ўқув тадбирларини ўтказиш учун 13 та вилоят кўптармоқли тиббиёт марказлари, Тошкент врачлар малакасини ошириш институти ва Андижон ва Самарқанд Давлат тиббиёт институтларининг врачлар малакасини ошириш кафедралари ультратовуш ва ЭКГ аппаратлари билан таъминланади. Ўқув жараёни Тошкент врачлар малакасини ошириш институти томонидан амалга оширилади ва назорат қилинади.

2. Поликлиника ҳодимларининг потенциалини кучайтириш.

Мазкур компонент доирасида диагностик ва терапевтик кўникмаларни яхшилаш учун қишлоқ оилавий поликлиникаларнинг 2704та ҳодими (врач ва ҳамширалар) тиббий ускуналардан фойдаланиш курслари бўйича ўқитилади. Бу эса ўз навбатида бирламчи тиббиёт муассасалари томонидан кўрсатилаётган тиббий хизматлар сифатини, жамият ишончи ва хизматларнинг фойдалилик даражасини оширишга, ҳамда бунинг натижасида касалланиш ва ўлимлар сонининг пасайишига кўмаклашади.

3. Бирламчи тиббий санитария ёрдами тизими мониторингининг асосий инструментларини институционал мустаҳкамлаш.

Мазкур компонент Республика соғлиқни сақлаш тизимини мустаҳкамлаш ва унинг самарадорлигини мониторинг қилиш учун маълумотларни йиғиш, тақдим этиш ва улардан фойдаланишнинг мониторинг инструментларини ишлаб чиқиш ва тадбиқ этишга йўналтирилган.

Ҳозирги кунда аҳоли саломатлиги бўйича маълумотлар қўлда (қоғозда) йиғилади ва таҳлил қилинади, бунда маълумотлар бирчамчи тиббий санитария муассасалари (БТСМ) томонидан статистика бошқармалари ва соғлиқни сақлаш вазирлигига тегишли ҳисоботларни тайёрлаш учун ҳудудий соғлиқни сақлаш бошқармаларига тақдим этилади. Компонент аҳоли саломатлиги кўрсаткичларини самарали мониторинг қилиш учун инструментларни ва тадбирларни ишлаб чиқишга қаратилган. Компонент доирасида белгиланган чора-тадбирлар икки хил усулда амалга оширилади.

Биринчи усул: Осиё тараққиёт банки/Ҳалқаро соғлиқни сақлаш ташкилоти тизимида БТСМнинг асосий маълумотларини тизимли равишда йиғиш учун платформа ташкил қилинади.

Иккинчи усул: Сирдарё вилоятининг қишлоқ оилавий поликлиникаларида синов тариқасида информацион бошқарув тизими ишга туширилади. Бунда ҚОПлар зарур ускуналар ва дастурий таъминот таъминланади.

Ҳозирги ҳолат

1. Тиббий ускуна ва бошқа ускуналарни сотиб олиш

2019 йил 9 апрелда 25 млн.АҚШ доллар миқдоридаги замонавий тиббий ускуна ва жихозларни сотиб олиш бўйича тендер харидлари эълон килиниб, 2019 йил 21 майда таклифларниниг очилиши амалга оширилди. Тендер таклифларининг техник қисмини баҳолаш ишлари якунланиб, баҳолаш ҳисоботи Осиё тараққиёт банкига тақдим этилиб, кўриб чиқиш натижалари юзасидан тавсиялар олинди. 2019 йил 14 августда техник баҳолаш натижалари бўйича ҳисобот муҳокама учун тармоқ харид комиссиясининг йиғилишига киритилди. 2019 йил 24 сентябрда техник баҳолаш натижалари бўйича ҳисоботни муҳокама қилиш ва барча Лотлар бўйича якуний қарорни қабул қилиш бўйича тармоқ харид комиссиясининг навбатдаги йиғилиши бўлиб ўтди. Қабул қилинган қарор ва тармоқ харид комиссисиянинг тавсияларга асосан хисоботга тегишли ўзгартиришлар киритилиб, 2019 йил 26 сентябрда Осиё тарраққиёт банкига тақдим этилди. 2019 йил 8 октябрда ҳисобот Осиё тарраққиёт банки томонидан маъқулланди. Баҳолаш ҳисоботига кўра 3-Лот бўйича тендер харидлари қайта ўтказилади.

2019 йил 10 октябрда молиявий таклифларнинг очилиши амалга оширилди.

2019 йил 29 октябрда тендер таклифларнинг молиявий баҳолаш натижалари бўйича тармоқ харид комиссиясининг навбатдаги йиғилиши бўлиб ўтди. Йиғилиш натижаларига 1, 2 ва 4 - Лотлар бўйича контрактлар тузиш ва 5-Лот бўйича тендер харидларини қайта ўтказиш бўйича қарор қабул қилинди.

Лойиҳа доирасида тиббий асбоб-ускуналарни етказиб беришдан олдин қишлоқ оилавий поликлиникаларида жиҳозлашга тегишли хоналар ўз вақтида тайёрланиши бўйича мониторинг олиб борилмоқда. Шу жумладан, Қорақалпоғистон Республикаси, Хоразм, Навои, Қашқадарё, Андижон, Наманган, Бухоро, Самарканд, Сурхондарё, Сирдарё ва Фарғона вилоятларида стоматологик ускуналарни қабул қилишга тайёргарлиги бўйича 335 та ҚОПда мониторинг ўтказилди. Мониторинг натижаларига кўра берилган кўрсатмаларнинг бажарилишини таъминлаш учун чора-тадбирлар давом этаяпти.

2. Поликлиника ҳодимларининг потенциалини кучайтириш.

2019 йил 4 ноябрдан бошлаб Қишлоқ оилавий поликлиникаларнинг 1-гуруҳ врачлари учун Ультратовуш диагностикаси бўйича 5 ойлик ўқув курслари бошланди.

3. Бирламчи тиббий санитария ёрдами тизими мониторингининг асосий инструментларини институционал мустаҳкамлаш.

2019 йил 11 ноябрда Жаҳон соғлиқни сақлаш ташкилотининг (ЖССТ) Ўзбекистондаги ваколатхонасида соғлиқни сақлаш ахборот тизимлар бўйича йиғилиш бўлиб ўтди. Йигилишда

ЖССТнинг Ўзбекистондаги ваколатхонаси бошлиғи – Лиан Лиан Куппенс

ЖССТнинг Ўзбекистондаги ваколатхонаси ҳодими - Елена Цой

ЖССТнинг ҳалқаро маслахатчиси - Александр Кацага

ОТБнинг соғлиқни сақлаш масалалари бўйича мутахассис, лойиҳа куратори - Хиддо Хуитцинг (видеоконференция шаклида)

Соғлиқни сақлаш вазирлигининг статистика ва соғлиқни сақлаш ҳисоблари бўлимининг бошлиғи – Зулхумор Муталова

Инновацион ривожланиш вазирлиги, Ахборот-коммуникация технологияларни ривожлантириш маркази, ЮНИСЕФ матахассислари, “Саломатлик-3” ЛАОМБ координаторлари, “Бирламчи тиббий санитария фаолиятини такомиллаштириш” лойиҳаси раҳбари ва бошқа мутахассислар иштирок этдилар.

Йиғилишда Сирдарё вилоятида синов тарикасида Соғлиқни сақлаш ахборот бошқарув тизимини жорий этиш ва кўзда тутилган натижаларга эришишда ҳамкорлик имкониятлари муҳокама қилинди. Хизматлар провайдерини жалб этиш бўйича техник шартлар таклифлар ва шарҳлар учун ЖССТ мутахассисларига тақдим етилди.

ОТБнинг консултантларни бошқариш тизимида Соғлиқни сақлаш вазирлигининг ахборот-коммуникация технологияларини ривожлантириш Марказини рўйхатга олиш жараёни якунланди.

Гендер масалалар.

Лойиҳанинг асосий кўрсаткичларни аниқлаш, лойиҳа бошланишидан аввал ва кейин бирламчи тиббий санитария хизматларини баҳолаш бўйича сўровни ўтказиш бўйича йўриқнома ва бюджет, шунингдек маслаҳатчиларни ёллаш бўйича техник шартлар ОТБга тақдим етилди ва тасдиқланди.

Лойиҳа доирасида ускуналарни етказиб бериш ва ходимларни тайёрлашдан аввал ҳамда ускуналар етказиб бериш ва ходимларни тайёрлашдан сўнг қишлоқ оилавий поликлиникалар хизматлари билан аҳолининг қониққанлик даражасини аниқлаш учун икки босқичли тадқиқотни олиб бориш йўриқномаси, қиймати ва техник шартлари ОТБ томонидан маъқулланди. Ушбу тадқиқотни ўтказиш учун лойиҳанинг Техник-иқтисодий асосида ва Лойиҳани бошқариш қўлланмасида маблаг ажратилиши кўзда тутилманганлиги сабабли молиялаштириш манбаини аниқлаш учун Инвестиция ва ташқи савдо вазирлигига хат юборилди.


PDF форматида кўчириб олиш |